24 декабрь куни Тошкентда Ўзбекистон ва Миср ўртасидаги ҳукуматлараро комиссиянинг навбатдаги йиғилиши ва Ўзбекистон-Миср бизнес-форуми бўлиб ўтади.

Тадбирларда Ўзбекистон Республикаси инвестициялар, саноат ва савдо вазири Лазиз Кудратов ҳамда Мисрнинг режалаштириш, иқтисодий ривожлантириш ва халқаро ҳамкорлик вазири Рания Ал-Машат иштирок этиши кутилмоқда.

Форумга икки мамлакат ишбилармон доираларининг 100 дан ортиқ вакиллари ташриф буюришади. Хусусан, Миср бизнесини El Sewedy Electric, Hassan Allam Holding, ACDIMA, EPICO, Nile sugar, Badawy Group, Masriya machine, Ebtkarat Smart Systems, Solyphar, Al Farouk for Import & Export

 ва бошқа компаниялар тақдим этади.

Шунингдек, Ўзбекистон ва Мисрнинг иқтисодий салоҳияти, ҳамкорликни ривожлантиришнинг истиқболли йўналишлари, G2B ва B2B музокаралари тақдим этилади. Унда тадбиркорлар ҳамкорликнинг мумкин бўлган йўналишларини батафсил муҳокама қилишлари мумкин.

Форум якунида иқтисодиётнинг турли тармоқларида қўшма ташаббусларни амалга ошириш ва минтақалараро ҳамкорликни ривожлантириш бўйича бир қатор икки томонлама ҳужжатларни имзолаш маросими бўлиб ўтади.

• Бизнес
• Форум
• Misr
• Ўзбекистон
• Тошкент