АҚШ Президенти Доналд Трамп НАТО саммити якунлангач, Туркияни Қатардан совға қилинган янги Боэинг 747 самолётида эмас, балки эски Боэинг ВC-25А (Аир Форcе Оне) бортида тарк этди. Бу ҳақда у Трутҳ Соcиал ижтимоий тармоғидаги саҳифасида маълум қилди. Маълум қилинишича, Трамп Анқарадан Буюк Британиядаги РАФ Милденҳалл авиабазасига эски Аир Форcе Онеъда учган. Шундан сўнг у Вашингтонга парвоз қилиш учун Қатардан совға қилинган янги президент самолётига ўтган. “Эски кунларни ёдга олиш учун танладим”, — деб ёзди Трамп. Унинг таъкидлашича, янги самолёт РАФ Милденҳалл базасида қолиб, у ердаги АҚШ ҳарбий хизматчилари уни кўздан кечириш имконига эга бўлган.

Анқарадаги матбуот анжуманида журналистлар Трампдан самолётни алмаштиргани Эрон томонидан бўлиши мумкин бўлган суиқасд таҳдиди билан боғлиқми, деб сўрашди. АҚШ президенти бунга аниқ жавоб бермади, бироқ бундай эҳтимолни ҳам инкор этмади. “Эроннинг ўлдирилиши керак бўлганлар рўйхатида биринчи ўринда мен тураман. Билмайман, бу ҳақда сизга аниқ айта олмайман, лекин менга барибир”, — деди Трамп. Эслатиб ўтамиз, қиймати тахминан 500 миллион долларга баҳоланаётган Қатарнинг Боэинг 747 самолёти Трамп фойдаланиши учун вақтинчалик Аир Форcе Оне сифатида қайта жиҳозланган.

Мазкур самолёт замонавий алоқа тизимлари, мудофаа воситалари ва президент фаолиятини парвоз вақтида ҳам давом эттириш имконини берувчи махсус ускуналар билан жиҳозланган.