13 октябрь куни АҚШда афсонавий репер Тупак Шакурнинг 1996 йилдаги қотиллигида айбланган Дуэйн “Кеффи Ди” Девис умрбод қамоқ жазосига ҳукм қилинди. У 40 йилни ўтаганидан сўнг шартли равишда озодликка чиқиш имкониятига эга. Бу ҳақда CNN хабар берди.

Судья Карли Кирни Лас-Вегасда бўлиб ўтган суд мажлисида South Side Compton Crips жиноий гуруҳининг собиқ етакчиси Девисга нисбатан ҳукмни эълон қилди. Суд қарорига кўра, у 40 йилдан умрбод озодликдан маҳрум этилди. Шунингдек, жазо муддатига аввал ўталган 731 кун ҳисобга олинади.

63 ёшли Девис 1996 йил сентябрида, ўша пайтда 25 ёшда бўлган Тупак Шакур отиб ўлдирилган воқеа бўйича узоқ давом этган терговдан сўнг айбдор деб топилган. Девис аввалроқ репернинг ўлдирилишига алоқадор воқеалар ҳақида очиқ баёнотлар берган.

Суд ҳукмидан сўнг Тупак Шакурнинг қариндошлари Девиснинг айбдор деб топилганидан мамнунлик ва енгиллик ҳис қилаётганларини билдирган.