Ижтимоий тармоқларда Тошкент халқаро аэропортида Саудия Арабистонига зиёрат турларини ташкил этувчи туристик компаниялар учун чекловлар жорий этилгани ҳақида видеолар тарқалган эди.

“Тошкент” аэропорти ва “Узбекистан Airports” бошқарув компанияси томонидан туристик фирмалар ва йўловчиларга нисбатан ҳеч қандай чекловлар киритилмаганлиги ва бу хабарлар ҳақиқатга мос эмаслиги маълум қилинди.

Авиачиптага эга барча йўловчилар тегишли рейсларга ўз вақтида рўйхатдан ўтказилган. Ҳозиргача Саудия Арабистонига амалга оширилаётган икки рейс бўйича рўйхатдан ўтиш жараёни якунланди:

– “Флядеал” авиакомпаниясининг Тошкент – Жидда йўналиши бўйича F39223 рейси: 352 йўловчи, режалаштирилган жўнаш вақти 19 февраль соат 00:10

– “Cентрум Air” авиакомпаниясининг Тошкент – Жидда йўналиши бўйича C6 319 рейси: 176 йўловчи, режалаштирилган жўнаш вақти 19 февраль соат 00:20.

• Uzbekistan_Airports
• aviakompaniya
• cheklov