2 март куни Россиянинг жануби-шарқий Украинада кураш олиб бораётган ҳарбий бўлинмалари Донецк фронт чизиғидаги вазиятни ўз фойдасига яхшилашга эришди. Фронт чизиғида Украина армиясининг 410 аскари йўқ қилинган. Бу ҳақда “ТАСС” нашри хабар берди.

Жанубий жанговар гуруҳ бўлинмалари самолётлар ва артиллерия қўшинлари устунлиги билан Новое, Богдановка, Андреевка пунктларига, шунингдек, яқин атрофдаги 24-механизациялашган бригада ҳамда 3- ва 92-штурм қўшинлари ва техникаларга зарба бериб, фронт олди позицияларини мустаҳкамлади. 410 га яқин душман аскари ҳалок бўлди ва кўпчилиги яраланди. Танкка қарши ракета тизимларидан фойдаланиб, иккита зирҳли жанговар машина ва 12 та ҳарбий автомашинага зарба берилди, — дейилади Россия мудофаа вазирлиги баёнотида.

Шунингдек, вазирлик маълумотига кўра, Россия ҳужумида Украинанинг иккита 152 миллиметрли Мста-Б ва Гвоздика гаубицалари йўқ қилинган. Россиянинг шикастланган ҳарбий техникалари ҳақида эса маълумот берилмаган.

• Donetsk
• Россия