Украина халқи ва Зеленский Буюк Карл мукофотини олди.

Буюк Карл мукофоти нафақат Зеленскийга, балки бутун Украина халқига топширилганини 16 декабр куни мукофотни таъсис этган Ахен шаҳри маъмурияти маълум қилди.

Маълумотларга кўра, Буюк Карл мукофоти 1950 йилдан бери Европани бирлаштириш билан боғлиқ хизматлари учун берилади.

Ўтган йили Александр Лукашенко режимига қарши чиққан беларуслик мухолифатчилар Светлана Тихановская, Мария Колесникова ва Вероника Сепкало мукофот лауреатлари бўлганди.

Мукофот берувчи ташкилот расмийларининг таъкидлашича, Украина халқи халқаро ҳуқуққа зид бўлган Россиянинг таърифлаб бўлмайдиган шафқациз босқинчилик уруши қурбони бўлди ва Украина Ўз президенти Володимир Зеленский бошчилигидаги халқ нафақат ўз мамлакати суверенитети ва фуқаролари ҳаётини, балки Европа ва Европа қадриятларини ҳам ҳимоя қилмоқда.

Маълумот учун, мукофот Франклар империясининг асосчиси, ўз давлатини Ахендан бошқарган Карл шарафига номланган.

• АҚШ
• Rossiya imperiyasi
• Ukraina doni
• Европа