Хитой суди Мянмада фирибгарлик билан шуғулланган машҳур Минг мафияси оиласининг 11 нафар аъзосига ўлим жазоси тайинлади. Қолган оила аъзолари эса узоқ муддатли қамоқ жазоларига ҳукм қилинди. ББCънинг ёзишича, бу иш бўйича жами 39 киши судланган.

Минглар Мянманинг Лауккай шаҳрида ноқонуний қиморхона, гиёҳвандлик савдоси ва фирибгарлик марказларини бошқариб келган. Икки йил олдин ҳудудда исёнчилар назоратни қўлга олганидан сўнг, оиланинг раҳбари ўз жонига қасд қилган. Шундан сўнг эса бир нечта оила аъзолари Мянма ҳукуматининг топшируви билан Хитойга топширилган.

Хитойнинг Венжоу шаҳрида 29 сентябрь куни бўлиб ўтган суд жараёнида 11 киши ўлим жазосига, 5 нафар шахс кечиктирилган ўлим жазосига, 11 киши умрбод қамоқ ва қолганларга эса 5 йилдан 24 йилгача бўлган қамоқ жазолари белгиланди.

Суд материалларига кўра, Минг оиласи 2015 йилдан буён фирибгарлик, қимор, наркотик савдоси ва бошқа жиноий фаолият билан шуғулланиб келган. Улар бошқарган казинолар орқали миллиардлаб доллар ноқонуний даромад олинган.

• Қамоқхона
• Хитой