Хоразм вилояти Қўшкўпир туманида 17 ёшли қиз ўзини осиб, вафот этди. Бу ҳақда вилоят прокуратураси матбуот хизмати хабар берди. 

Маълум қилинишича, Қўшкўпир туман Ички ишлар бошқармаси навбатчилик қисмига жорий йилнинг 6 май куни соат 12:50 да фуқаро Ч.Қ.нинг ўз жонига қасд қилиб, вафот этганлиги ҳақида хабар келиб тушган. 

Ҳодиса жойи Қўшкўпир туман прокурори раҳбарлигида тергов-тезкор гуруҳи ва суд тиббий экспертлари иштирокида кўздан кечирилган.

Аниқланишича, Қўшкўпир тумани “Ҳадра” қишлоғида яшайдиган 17 ёшли Ч.Қ. ўзини осиш орқали жонига қасд қилган. Марҳуманинг ўлим сабабини аниқлаш юзасидан суд-тиббий экспертизаси тайинланган.

Мазкур ҳолат юзасидан туман прокуратураси томонидан терговга қадар текширув ҳаракатлари олиб борилмоқда. Текширув ҳаракатлари Хоразм вилоят прокуратураси томонидан назоратга олинган.

• Суицид
• Хоразм