Ижтимоий тармоқларда бир эркак кўчада яланғоч ҳолатда ҳаракатланаётганлиги фуқароларнинг эътирозига сабаб бўлди. Тошкент шаҳар ИИББ бу ҳақда расмий баёнот берди.

“Ижтимоий тармоқларда номаълум фуқаро жамиятда юриш-туриш қоидаларини қасддан менсимасдан ҳаракатланганлиги акс этган видео тарқалиб турли муҳокамаларга сабаб бўлмоқда. Мазкур ҳолат юзасидан қуйидагиларни маълум қиламиз.

Жорий йилнинг 23 август куни тонгги соат 04:30 ларда Миробод тумани, Фарғона йўли кўчасидаги кўприк остида 1980 йилда туғилган П.А., яланғоч ҳолатда жамоат жойида ҳаракатланиб, жамоат тартибини бузган ва фуқароларнинг ҳақли эътирозига сабаб бўлган. Шу ҳудудда хизмат олиб бораётган туман ИИО ФМБ ППХ ходимлари томонидан ушбу фуқаро тўхтатилиб, шахси текширилганда, муқаддам руҳий-асаб касаллиги сабабли даволанганлиги аниқланган.

Ҳозирда фуқаро Руҳий касалликлар шифохонасига жойлаштирилган” — дейилади пойтахт ИИББ берган хабарда.

• ИИБ
• ИИББ
• ИИВ
• rasmiy munosabat