ЕТТБ ҳамжамияти ташаббуси доирасида ЕТТБ йиллик йиғилиши ўтказиладиган мамлакатга махсус мақсадли хайрия эҳсонларини тақдим этади.

Бу йил ЕТТБ Жамият ташаббуси Ўзбекистонда инклюзивликни ривожлантиришга қаратилган учта маҳаллий хайрия ташкилотини қўллаб-қувватлади.

Маълум қилинишича, ЕТТБ ҳамжамияти ташаббуси Ўзбекистондаги учта хайрия ташкилоти, “Sharoit Plus” ташаббуси, “Opa-singillar Qibray” ногирон аёллар жамияти, аёллар ва болалар учун ҳаётий фавқулодда вазиятларда бошпана ва реабилитация билан таъминлашга мўлжалланган “Rahmdillik” жамиятига кам таъминланган жамоаларни қўллаб-қувватлаш ишларини давом эттириш учун жами 50 000 евро ажратади.

Қайд этилишича, “Sharoit Plus” хайрия орқали имконияти чекланган кишиларнинг ҳуқуқий саводхонлигини ҳамма учун очиқ бўлган контентга эга веб-портал орқали оширади.

“Opa-singillar Qibray” хайрия ташкилотига ажратилган маблағ 150 нафар ногирон аёллар ва ногирон болали оналарнинг ҳуқуқий ва меҳнат ҳуқуқлари бўйича тренингларга йўналтирилади.

“Rahmdillik”га ажратилган маблағлар эса камситишларга учраган қишлоқ аёллари ва қизлари учун қулай ва адолатли ҳуқуқий муҳитдан фойдаланишга ёрдам беради.

“ЕТТБ ҳамжамияти ташаббуси ЕТТБнинг бу йилги Йиллик йиғилишини ўтказувчи мамлакат, Ўзбекистонга тадбирдан кейин янада кенгроқ, ижобий ижтимоий таъсир кўрсатадиган узоқ муддатли мерос қолдириш учун махсус, мақсадли хайрия ёрдамини тақдим этади”, – дейилади хабарда.

• Самарқанд
• Хайрия
• ЕТТБ