Европа тикланиш ва тараққиёт банки Бошқарувчилар Кенгашининг 32-йиллик йиғилишининг 2-кунида бир қатор ҳужжатларни имзолаш бўйича маросимлар бўлиб ўтмоқда.
Бизнес форумнинг иккинчи кунида, ҳозирча жами 4,5 млрд АҚШ долларлик ҳужжатлар имзоланди.
Унга кўра, Ўзбекистон ҳукумати ва ЕТТБ ўртасида Самарқанд шаҳрида электробуслар қатновини йўлга қўйиш учун 49 миллион АҚШ долларигача миқдорда суверен кредит ажратиш тўғрисида битим имзоланди.
Инвестициялар, саноат ва савдо вазирлиги, Энергетика вазирлиги ва ТАҚА Энергетика компанияси ўртасида умумий қуввати 1 600 МВт.гача бўлган комбинациялашган газ-турбинали ускунани ўрнатиш лойиҳасини амалга ошириш бўйича эса 1,2 миллиард АҚШ долларлик келишувга эришилди.
Шунингдек, Инвестициялар, саноат ва савдо вазирлиги, Энергетика вазирлиги ва “Масдар” компанияси ўртасида 2,6 миллиард АҚШ доллари миқдорида қуввати 2 150 МВт ва 500 МВт бўлган фото ва шамол электр станциялари лойиҳаларини биргаликда ишлаб чиқиш бўйича битим имзоланди.
Инвестициялар, саноат ва савдо вазирлиги ва Халқаро молия корпорацияси ўртасида Тошкент шаҳрида электр энергиясини тақсимлаш лойиҳаси бўйича 300 миллион АҚШ долларлик молиявий ва консалтинг хизматларини кўрсатиш тўғрисида ҳужжат имзоланди.
Бундан ташқари, Инвестициялар, саноат ва савдо вазирлиги, “Ўзсувтаъминот” акциядорлик жамияти ва Франциянинг “Суэз” компанияси ўртасида Сурхондарё вилоятида сув таъминоти тизимини яхшилаш бўйича умумий қиймати 500 миллион АҚШ долларилик лойиҳани амалга ошириш тўғрисида битим имзоланди.
Инвестициялар, саноат ва савдо вазирлиги ва ACWA Power компанияси ўртасида “Яшил водород” лойиҳасини ривожлантириш бўйича умумий қиймати 88 миллион АҚШ долларлик инвестиция шартномаси имзоланди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!