Кеча, 9 март оқшомида Европа Лигаси 1/8 финал дастлабки учрашувлари доирасида гранд жамоалар ўз ўйинларини ўтказишди.

Жумладан «Арсенал» Лиссабонда «Спортинг» меҳмони бўлди. Дарвозаларга 4 та гол киритилган баҳсда жамоалар дуранг натижа қайд этишди.

«Спортинг» – «Арсенал» 2:2

Голлар: 0:1 – 22ʼ Салиба, 1:1 – 34ʼ Инациу, 2:1 – 55ʼ Паулиню, 2:2 – 62ʼ, автогол Морита.

Шунингдек, «Рома» ўз уйида «Реал Соседад»ни қабул қилиб, испан жамоаси устидан 2:0 ҳисобидаги ишончли ғалабага эришди.

«Рома» (Италия) – «Реал Соседад» (Испания) 2:0

Голлар: 1:0 – 13ʼ аш-Шаарави, 2:0 – 87ʼ Кумбула.

Ўз навбатида, «Манчестер Юнайтед» «Олд Траффорд»да» Бетис»ни қабул қилди. Учрашувнинг биринчи бўлими 1:1 ҳисобида якунланди.

Иккинчи таймда эса мезбонлар рақиб дарвозасини яна 3 бор ишғол этишди ва Тен Хаг шогирдлари 4:1 ҳисобидаги йирик ғалабани қайд этишди.

«Манчестер Юнайтед» (Англия) – «Бетис» (Испания) 4:1

Голлар: 1:0 – 6ʼ Решфорд, 1:1 – 32ʼ Перес, 2:1 – 52ʼ Антони, 3:1 – 58ʼ Бруну Фернандеш, 4:1 – 82ʼ Вегорст.

Шунингдек, Анхел Ди Мариянинг ягона голи, «Ювентус»га «Фрайбург» устидан ғалаба келтирган бўлса, «Севиля» «Рамон Санчес Писхуан»да «Фенербаҳче»ни мағлуб этди.

«Ювентус» (Италия) – «Фрайбург» (Германия) 1:0

Гол: 1:0 – 53ʼ Ди Мария.

«Севиля» (Испания) – «Фенербаҳче» (Туркия) 2:0

Голлар: 1:0 – 56ʼ Жордан, 2:0 – 85ʼ Ламела.

• Футбол
• Европа Лигаси