Юқори Чирчиқда Matiz ағдарилиб кетди

Ушбу ЙТҲ юзасидан Тошкент вилояти ИИБ ЙҲХБ хабар берди.

Жорий йилнинг 18 ноябрь куни соат тахминан 14:00 да Тошкент вилояти Юқори Чирчиқ тумани ҳудудидан ўтувчи “Олмалиқ-Тошкент” автомобиль йўлининг 35-километрида ҳайдовчи 1984 йилда туғилган К.У. бошқарувидаги “Matiz” русумли транспорт воситасини Олмалиқ-Тошкент йўналишида бошқариб кетаётиб, ҳаракат бўлагини алмаштириш вақтида ўзи билан бир йўналишда бўлган 1990 йилда туғилган Ш.Х бошқарувидаги “Nexia 3” русумли автомобиль билан тўқнашиши натижасида ағдарилиб кетган. Ағдарилиш вақтида бир йўналишда бўлган 1983 йилда туғилган Х.П бошқарувидаги “Nexia 2” русумли автомобилга тегиб кетиши натижасида йўл-транспорт ҳодисаси юз берган.

Ушбу йўл транспорт ҳодисаси натижасида ҳаракат иштирокчиларининг соғлиғига зиён етмаган.

Ҳолат юзасидан Юқори Чирчиқ тумани ИИБ ЙҲХБ томонидан суриштирув ишлари олиб борилмоқда.

• YTH
• Yuqori Chirchiq