Бугун, 14 ноябрь куни Владимир Зеленский украин қўшинлари қўлга киритган мамлакат жанубидаги Херсон шаҳрига келди. Бу шаҳар жорий йилнинг март ойидан то ноябргача Россия армияси назорати остида бўлган Украинанинг ягона минтақавий марказидир.

"Мен жуда хурсандман, буни халқнинг муносабатидан билиш мумкин, уларнинг муносабати саҳналаштирилмаган",– дейди президент.

Шунингдек, Зеленский НАТО ва бошқа иттифоқчиларга Россияга қарши урушдаги ёрдами учун миннатдорлик билдирган.

Президентнинг сўзларига кўра, Украина тинчликни ўрнатишга тайёр.

Биз тинчликка, бутун юртимиз тинчлигига тайёрмиз”,– деган Украина етакчиси.

Аввалроқ, Россия Мудофаа вазири Сергей Шойгу Қуролли кучларнинг Херсондан чекинишини маълум қилган эди. Россия ушбу шаҳарни жорий йилнинг 23-27 сентябрь кунлари ўтказилган “референдум” натижаларига кўра, ўзининг абадий ҳудуди дея эълон қилган эди.

11 ноябрь куни Украина Қуролли кучлари бўлинмалари шаҳарга кириб келган, 12 ноябрь куни эса Украина президенти девонининг хабар беришича, вилоят ҳарбий бошқармаси, полиция ва хавфсизлик хизматлари Херсонда иш бошлаган.

• Херсон
• Зеленский