Dastlabki ma’lumotlarga ko‘ra, u Rossiya poytaxtiga aynan shov-shuvli kontent tayyorlash maqsadida borgan.Aytilishicha, bloger metro yo‘lovchilarini ataylab bahs va janjallarga tortib, ularning reaksiyalarini tasvirga olgan hamda videolarni internetda e’lon qilib kelgan. Navbatdagi suratga olish jarayonidan so‘ng esa u huquq-tartibot idoralari e’tiboriga tushgan.Rossiya Ichki ishlar vazirligi tomonidan e’lon qilingan videoda bloger o‘z harakatidan afsusda ekanini bildirib, bunday xatti-harakatlarga yo‘l qo‘yish mumkin emasligini bilmaganini aytgan va uzr so‘ragan.Ma’lum qilinishicha, u Rossiyani tark etishga uringan paytda aeroportda ushlangan. Hozirda holat yuzasidan tekshiruv ishlari davom etmoqda va yakuniy protsessual qaror qabul qilinishi kutilmoqda.