Xalqaro qidiruvda bo‘lgan O‘zbekiston fuqarosi Moldova poytaxti Kishinyov shahrida qo‘lga olinib, ekstraditsiya tartibida O‘zbekistonga qaytarildi. Bu haqda Ichki ishlar vazirligi ma’lum qildi.

Rasmiy ma’lumotlarga ko‘ra, operatsiya O‘zbekiston va Moldova Interpol Milliy markaziy byurolari o‘rtasidagi tezkor hamkorlik hamda axborot almashinuvi natijasida amalga oshirilgan.Ekstraditsiya bilan bog‘liq barcha zarur huquqiy tartib-taomillar yakunlangach, gumonlanuvchi jinoiy javobgarlikka tortilishi uchun O‘zbekistonning vakolatli organlariga topshirilgan.