Yangi tartibga ko‘ra, 1-sinfga qabul qilish bo‘yicha davlat xizmati joriy etiladigan tuman (shahar)lar soni 64 tadan 135 taga, umumiy o‘rta ta’lim maktablari soni esa 1956 tadan 5689 taga yetkazildi. Bu esa xizmat qamrovi sezilarli darajada kengayganini anglatadi.

Qabul jarayoni Yagona interaktiv davlat xizmatlari portali my.gov.uz hamda Maktabgacha va maktab ta’limi vazirligining elektron platformasi my.maktab.uz orqali amalga oshiriladi.

Qabul bosqichlari:

20-iyun – 31-iyul mikrohudud doirasida;

1–31-avgust mikrohududdan tashqari hududlar uchun qabul.

Amaldagi tartibga muvofiq, 1-sinfga bolalar 7 yoshga to‘ladigan yilda qabul qilinadi. 2026–2027-o‘quv yili uchun esa 2019-yil 31-dekabrgacha tug‘ilgan bolalar maktabga qabul qilinadi.

Hujjatga ko‘ra, mikrohududlar va tuman/shaharlar ro‘yxati alohida tasdiqlangan bo‘lib, bu qabul jarayonini tizimli va shaffof tashkil etishga xizmat qiladi.

• Maktab
• Maktabgacha va maktab ta'limi vazirligi