Xiva xonligi tarixiga nazar solsak, xonlarning yonida ko‘plab Bosh vazirlar o‘tishgan. Ularning aksarining nomlari tarix zar varaqalaridan o‘chib ketgan. Xiva xoni Asfandiyorxonning qaynotasi bo‘lgan Islomxo‘ja o‘zining islohotlari bilan tarixdan munosib joy oldi. Ushbu maqolada Islomxo'ja uyidan tayyorlangan fotoreportajni ko'rishingiz mumkin.

Islomxo‘ja Ibrohimxo‘janing ikkinchi o‘g‘li bo‘lib, 1872 yilda tug‘ilgan. Badavlat va obro‘li oilada o‘sgan Islomxo‘ja yoshligidan yaxshi tarbiya oldi. Oldin u maxsus o‘qituvchilar yordamida savod chiqardi, keyinchalik esa madrasada o‘qidi.

Otasi 1882 yilda vazir lavozimiga tayinlanib, oilasi Xivaga ko‘chgandan so‘ng, yosh Islomxo‘ja xonning farzandlari bilan birga saroyda tarbiyalandi. 1889 yilda vazir Ibrohimxo‘ja vafot qilgan vaqtda uning o‘g‘li 15 yoshlik Islomxo‘ja xonlikning Bosh zakotchisi hisoblanardi.

Islomxo‘ja 26 yoshida Bosh vazir bo‘lgan XX asr boshlaridagi o‘ta murakkab siyosiy sharoitda Sayid Islomxo‘ja xonlikda sanoat va qishloq xo‘jalik ishlarini yo‘lga qo‘yish, savdo-sotiqni rivojlantirish va madaniy hayotni jonlantirish ishlariga katta eʼtibor berdi.

Islomxo‘ja uyi Xivaning Dishan qalʼa qismida Nurullaboy madrasasi yonida joylashgan.

• Ibrohimxo'ja
• Islomxo'ja
• Xiva
• qal'a