Prezident Shavkat Mirziyoyev Qashqadaryo viloyatidagi 54 million dollarlik “Sulton Tex Group” to‘qimachilik fabrikasi faoliyati bilan tanishdi. Korxonada yiliga 20 ming tonna mato ishlab chiqarish quvvati yaratilgan va 840 ta ish o‘rni tashkil etilgan.

Korxonada ishlab chiqarilayotgan mahsulotlar ko‘rgazmasi davomida tadbirkor davlat rahbariga fabrika mahsuloti bo‘lgan kiyimni sovg‘a qildi.

“ Inson mehnat qilsa, albatta, natijasi ham boshqacha bo‘ladi. Mana shu yangi avlod tadbirkorlarimiz bilan hozir mutlaqo boshqa darajaga chiqyapmiz, ular nafaqat qo‘shimcha qiymat zanjiri yaratyapti, balki ‘yashil’ texnologiyalar bilan ekologiyaga g‘amxo‘rligini ham namoyon etmoqda”, — dedi Shavkat Mirziyoyev.

“Sulton Tex Group” fabrikasi to‘qimachilik mahsulotlari ishlab chiqarishga ixtisoslashgan bo‘lib, korxona faoliyati hududda yangi ish o‘rinlarini yaratish va ishlab chiqarish hajmini oshirishga qaratilgan.