Tailandning Chiangmay shahrida boks bo‘yicha kattalar o‘rtasida ASBC Osiyo chempionati yakuniga yetib bormoqda, kecha chempionatning erkaklar ishtirokida yarim final bahslari yakunlandi.

Kun davomida O‘zbekiston terma jamoasining 11 nafar a’zosi final yo‘llanmasi uchun ringga ko‘tarildi va 10 nafari final yo‘llanmasiga ega chiqdi, kutilmaganda raqibiga imkoniyatni boy bergan Jahongir Zokirov bronza medali bilan kifoyalandi.

Musobaqada O‘zbekiston erkaklar va ayollar jamoalari umumjamoa hisobida eng ko‘p final yo‘llanmasini qo‘lga kiritdi.

Qit’a birinchiligining ayollar o‘rtasidagi final bahslari 10-dekabr kuni bo‘lib o‘tsa, 11-dekabrga erkaklar o‘rtasidagi final janglari belgilangan.

Final yo‘llanmasini qo‘lga kiritgan O‘zbekiston boks terma jamoasi a’zolari:

Erkaklar:

-48 kg: Shodiyorjon Meliqo‘ziyev

-51 kg: Asilbek Jalilov

-54 kg: Shahzod Muzafarov

-57 kg: Mirazizbek Mirzahalilov

-63,5 kg: Adhamjon Muhiddinov

-67 kg: Mujibillo Tursunov

-71 kg: Havasbek Asadullayev

-75 kg: Javohir Ummataliyev

-80 kg: To‘rabek Habibullayev

-86 kg: Jasurbek Yo‘ldoshev.

Ayollar:

-48 kg: Farzona Fozilova

-52 kg: Feruza Kazakova

-54 kg: Aziza Yaqubova

-57 kg: Nigina O‘ktamova

-66 kg: Navbahor Hamidova

-75 kg: Aziza Zokirova

+81 kg: Oltinoy Sotimboyeva.

• Boks
• Osiyo Chempionati
• Tailand