Buyuk Britaniya bosh vaziri Liz Trass va qirol Karl III BMTning iqlim o‘zgarishi bo‘yicha “Cop27” konferensiyasida ishtirok etish borasida kelishmovchilik yuzaga keldi. Bu haqda “Times” nashri xabar berdi.

Gazetaning xabar berishicha, Britaniya monarxi jonkuyar ekolog bo‘lsa-da, hukumat rahbarining iltimosiga binoan tadbirda qatnashish g‘oyasidan voz kechgan.

Qayd etilishicha, u Misrda bo‘lib o‘tadigan jahon yetakchilari yig‘ilishida nutq so‘zlamoqchi bo‘lgan. Sharm al-Shayx sammitiga borishi dargumon, chunki Trass o‘tgan oy Bukingem saroyidagi shaxsiy auditoriya vaqtida qirolning rejalariga e’tiroz bildirgan.

Nashrning yozishicha, ushbu qaror Trass va Karl III o‘rtasidagi keskinlikni kuchaytirishi mumkin.

“Times” gazetasining Dauning-stritdagi manbasiga ko‘ra, aslida bu masala bo‘yicha muhokama vaqtida hech qanday bahs bo‘lmagan.

“Qirolning sammitda jismonan ishtirok etmasligi uning yo‘l topa olmasligini anglatmaydi”, – deyiladi xabarda.

• BMT
• Buyuk Britaniya
• Karl III
• Liz Trass