Musobaqaning “A” guruhidan o‘rin olgan holda guruhdagi 3 ta uchrashuvdan so‘ng umumiy 7 ochko jamg‘argan O‘zbekiston terma jamoasi bugun turnirning “B” guruhida o‘zi bilan bir xil ochko to‘plagan Eronga qarshi final bahsida maydonga tushadi. Ushbu qarama-qarshilik 19:30 da “Olimpiya” stadionida start oladi.

Ma’lumot uchun, milliy jamoaning Eron bilan kechgan so‘nggi o‘yinida 2:2 hisobidagi durrang qayd etilgan. Jamoalar o‘rtasidagi oxirgi 10 ta bahsda 6 marotaba Eronning qo‘li baland kelgan bo‘lsa, yana 4 uchrashuvda murosa ko‘chasi tanlangan. Bugungi kunda FIFA tasnifiga ko‘ra, O‘zbekiston terma jamoasi 55-o‘rinda, Eron esa 20-o‘rinda bormoqda.

• Eron
• Futbol
• O‘zbekiston