Bugun, 8-iyul kuni 2026 yilgi Jahon chempionatining 1/8 final bosqichi yakunlandi va chorak finalda ishtirok etadigan barcha jamoalar nomi aniq bo‘ldi. Nimchorak finalning so‘nggi kunida Argentina – Misr hamda Shveysariya – Kolumbiya uchrashuvlari bo‘lib o‘tdi. Atlantada kechgan bahsda amaldagi jahon chempioni Argentina 0:2 hisobida ortda borayotganiga qaramay, irodali kambek amalga oshirib, 3:2 hisobida g‘alaba qozondi.

Shveysariya esa Kolumbiyani asosiy va qo‘shimcha bo‘limlarda 0:0 hisobidan so‘ng penaltilar seriyasida 4:3 hisobida mag‘lub etib, 1954 yildan buyon ilk bor Jahon chempionati chorak finaliga yo‘l oldi. Shu tariqa, chorak final juftliklari to‘liq shakllandi: 10-iyul — Fransiya 🇫🇷 vs Marokash 🇲🇦 (Foksboro) 10-iyul — Ispaniya 🇪🇸 vs Belgiya 🇧🇪 (Los-Anjeles) 11-iyul — Norvegiya 🇳🇴 vs Angliya (Mayami) 12-iyul — Argentina 🇦🇷 vs Shveysariya 🇨🇭 (Kanzas-Siti) Yarim final bahslari 14-iyul kuni Arlingtonda, 15-iyul kuni esa Atlantada bo‘lib o‘tadi.