Bugun, 8-iyul kuni Shveysariya milliy terma jamoasi 2026 yilgi Jahon chempionati 1/8 finalida Kolumbiyani penaltilar seriyasida mag‘lub etib, chorak final yo‘llanmasini qo‘lga kiritdi. Vankuver shahrida bo‘lib o‘tgan uchrashuvning asosiy va qo‘shimcha bo‘limlari 0:0 hisobida yakunlandi. Penaltilar seriyasida esa shveysariyaliklar 4:3 hisobida ustun keldi. Shu tariqa, O‘zbekiston milliy terma jamoasi bilan bir guruhdan joy olgan barcha jamoalar mundial bilan xayrlashdi. Avvalroq Kongo DR turnirni tark etgan bo‘lsa, Portugaliya va Kolumbiya ham 1/8 final bosqichida musobaqani yakunladi.

Shveysariya esa o‘z tarixida to‘rtinchi marta va so‘nggi 72 yil ichida ilk bor Jahon chempionati chorak finaliga chiqishga muvaffaq bo‘ldi. Endi shveysariyaliklar keyingi bosqichda amaldagi jahon chempioni Argentina bilan bahs olib boradi. Argentina 1/8 finalda Misrni 3:2 hisobida mag‘lub etgandi. Ma’lumot uchun, 2026 yilgi Jahon chempionati AQSH, Kanada va Meksikada bo‘lib o‘tmoqda. Musobaqada tarixda ilk bor 48 ta milliy terma jamoa ishtirok etmoqda. Turnir 19-iyul kuni yakunlanadi.