2026-yilgi Jahon chempionati yarim finalida Argentina Angliyani 2:1 hisobida mag‘lub etib, ketma-ket ikkinchi marta final yo‘llanmasini qo‘lga kiritdi. Uchrashuvda hisobni 55-daqiqada Angliya hujumchisi Entoni Gordon ochdi. Argentina 85-daqiqada Enso Fernandesning goli evaziga muvozanatni tikladi. Qo‘shimcha vaqtning ikkinchi daqiqasida esa Lautaro Martines g‘alaba golini urib, jamoasini finalga olib chiqdi. Shu tariqa, Argentina o‘z tarixida 7-marta Jahon chempionati finaliga yo‘l oldi. Bu natija bilan argentinaliklar finallar soni bo‘yicha Italiyani ortda qoldirib, Braziliya bilan tenglashdi.

Bu borada faqat Germaniya sakkizta final bilan oldinda. 19-iyul kuni bo‘lib o‘tadigan finalda Argentina yarim finalda Fransiyani 2:0 hisobida mag‘lub etgan Ispaniyaga qarshi maydonga tushadi. Qayd etilishicha, Argentina terma jamoasi Jahon chempionatlari tarixida ishtirok etgan barcha yarim final bahslarida g‘alaba qozongan. Angliya esa tarixida to‘rtinchi marta yarim finalga chiqdi.