“Disney” kompaniyasi “Lilo va Stich” multfilmi motivlari asosida yangi film suratga olishni rejalashtirmoqda. Avvalroq Jon M. Chu (“Rivojlanish 2: Ko‘chalar” filmi rejissyori) ushbu filmga rejissyorlik qilishi haqida xabarlar tarqalgan edi, biroq keyinchalik kompaniya uning o‘rniga “Marsel – etik kiygan chig‘anoq” qisqa metrajli multfilmi bilan mashhur bo‘lgan Din Fleysher Kampni taklif qilishga qaror qildi.

Bu loyiha studiyaning eng mashhur animasion qisqa metrajli dasturlaridan biriga aylangan va kassada 1 million dollardan ortiq daromad keltirgan.

“Disney” tomonidan suratga olingan “Aladdin” filmi remeyki ortida “bosh-qosh” bo‘lgan “Raydbek” kompaniyasi vakili Rayan Xelprines loyihada ijrochi prodyuser sifatida faoliyat yuritsa, prodyuserlar jamoasi tarkibida Dan Lin (Robert Dauni bilan “Sherlok Xolms” seriali) va Jonatan Eyrich (“Aladdin” filmi rejissyori Gay Richi) nomlarini ko‘rish mumkin.

Filmning ssenariysiga javobgar shaxs haligacha tayinlanmagan. Biroq, bo‘lajak film ssenariy mualliflaridan biri avval “Moana” loyihasida ishlagan Kris Kekaniokalani Brayt bo‘lishi mumkin.

Syujet tafsilotlari, shuningdek, loyihaning aktyorlar tarkibi hozircha oshkor etilmagan. Filmning taxminiy premyerasi 2024 yilga belgilangan, biroq animasion serial moslashuvi kinoteatrlarda yoki “Disney Plus” striming platformasida namoyish etilishi haqida ham aniq ma’lumotlar mavjud emas.

Ilk bor 2002 yilda chiqarilgan “Lilo va Stich” multfilmi syujetining markazida Gavayida yashovchi Lilo ismli qiz va o‘zga sayyoralik Stichning do‘stligi tasvirlangan. Shuningdek Liloning singlisi Nani haqida ham hikoya qilinadi. Keyinchalik ular do‘stona munosabatda bo‘lib, bir-birlarini “ohana” – oila deb atashadi.

“Lilo va Stich”ning spin-offlari allaqachon mavjud bo‘lib, byudjeti 80 mln. dollarni tashkil etgan. Shuningdek multfilm o‘z yaratuvchilariga 273,1 mln. dollar daromad keltirgan.

• AQSh
• Disney
• Kino
• Multfilm
• gollivud