2022-yilning 6–13-oktyabr kunlari Toshkent shahri jahon chempionatiga mezbonlik qiladi. Dunyoning eng nomdor dzyudochilari jami 14 ta (erkaklar 7 ta, ayollar 7 ta) vazn toifasida jahon chempionati medallari hamda Parij-2024 Olimpiadasining muhim reyting ochkolari uchun tatamiga chiqadilar.

Hozirga kelib, jahon chempionatida ishtirok etish istagini bildirgan va buni rasman tasdiqlagan davlatlar soni 85 taga yetdi.

Xalqaro dzyudo federatsiyasi rasmiy saytida Toshkentga kelishi qayd etilgan dzyudochilar soni esa 567 (307 erkak, 260 ayol) nafarni tashkil etyapti.

Yaponiya, Braziliya, Fransiya, Gruziya, Germaniya, Vengriya, Italiya, Moʻgʻuliston, Qozogʻiston, Niderlandiya, Janubiy Koreya, Ispaniya, Ukraina singari dunyoning dzyudo terma jamoasi kuchli hisoblangan davlatlari ilk bor Oʻzbekistonda oʻtkaziladigan jahon chempionatida qatnashadigan tarkiblarini eʼlon qilib ulgurishgan.

• Dzyudo
• Humo
• Jahon chempionati
• O‘zbekiston
• Toshkent