“Toshkentda 25-noyabrdan boshlab “Zo‘ravonlikka qarshi 16 kunlik faol harakat” global kompaniyasi boshlandi. Bu tashabbus Xalqaro ayollarga nisbatan zo‘ravonlikka qarshi kurash kuni munosabati bilan o‘tkaziladi”, – deb xabar bermoqda Ijtimoiy himoya milliy agentligi axborot xizmati.

Xabarda shuningdek, ushbu kompaniya ayollar va bolalarga nisbatan zo‘ravonlikka barham berish uchun jamiyatning barcha qatlamlari sa’y-harakatlarini birlashtirish zarurligini eslatishi aytilgan.

Ijtimoiy himoya milliy agentligi ushbu muhim tashabbusni qo‘llab-quvvatlash maqsadida o‘z logotipini olov rangga o‘zgartirgan. Olov rangi — umid, yorug‘lik va zo‘ravonliksiz kelajak ramziligi ta’kidlangan.

“Sizni ham ushbu aksiyani qo‘llab-quvvatlashga, muammoga e’tibor qaratishga va birdamlikni namoyish etishga chorlaymiz. Birgalikda biz dunyoni xavfsizroq qila olamiz! Zero, zo‘ravonlik hech qachon oqlanmaydi!”, – deya murojaat qilgan agentlik.

• Global
• Ijtimoiy himoya