Xitoy olimlari ilk bor qandli diabetning birinchi va ikkinchi turini ildiz hujayralarini ko‘chirib o‘tkazish orqali davolashga muvaffaq bo‘lishdi.
Bu yangi muolaja sababli bemorlar insulin qabul qilishni butunlay tashlasalar ham bo‘ladi. Muolaja salomatlikni tiklashga yordam beradi. Bunda qayta dasturlashtirilgan hujayralardan foydalanildi.

Klinik sinovlar chog‘ida qandli diabetning 1-turidan aziyat chekayotgan 25 yoshli ayolda ildiz hujayralari transplantatsiyasi amalga oshirildi.
Operatsiyadan bir necha oy o‘tib, bemor organizmi insulin gormonini ishlab chiqarish qobiliyatini bosqichma-bosqich tikladi. Natijada ayol yana sog‘lom hayotga qaytdi.

Ma’lumki, ildiz hujayralari o‘z-o‘zidan ko‘payish, mitoz yordamida bo‘linish va maxsus hujayralar hosil qilish, ya’ni turli a’zo va to‘qimalarga aylana olish xususiyatiga ega.
Zamonaviy tibbiy amaliyotda ulardan onkologik, xususan, leykoz kabi qator kasalliklarni davolashda foydalaniladi. Endi bunday xastaliklar ro‘yxatiga qandli diabet ham qo‘shildi.

Keyingi bosqichda ikkinchi tur bilan kasallangan 59 yoshli erkak davolandi. Bu usul bilan davolangan bemor insulindan butunlay voz kecha oldi.

Shifokor Van Shusen bu yangilik dunyoda qandli diabet bilan og‘riydigan millionlab insonlarni davolashda olamshumul yutuq bo‘lishi mumkin.

• Kashfiyot
• Lifestyle
• ilm-fan
• salomatlik