Turkiya prezidenti Rajab Tayyib Erdog‘an 28-sentyabr kuni ukrainalik hamkasbi Volodimir Zelenskiy bilan telefon orqali suhbat chog‘ida Zaporojye atom AES atrofida qurolsizlantirilgan zonani yaratishda Turkiya tomonidan yordam taklif qildi, deyiladi xabarda.

Siyosatchi Rossiya federatsiyasi va Ukraina o‘rtasida mahbuslarni almashtirish va don bitimini amalga oshirishda Turkiyaning vositachilik faoliyati muvaffaqiyatini ta’kidladi.

“Shunga o‘xshash yondashuvni Zaporojye AES sharoitida namoyish etish mumkin va stansiya atrofida qurolsizlantirilgan zonani yaratishda zarur vositachilik va yordam berish taklifi beriladi”, dedi Erdog‘an.

12-sentyabr kuni xalqaro atom energiyasi agentligi (IAEA) rahbari Rafael Grossi Rossiya va Ukraina tomonlari bilan Zaporojye atom elektr stansiyasi atrofida yadro va jismoniy xavfsizlik zonasini yaratish bo‘yicha maslahatlashuvlarni boshlaganini aytdi.

• Erdogʻan
• Turkiya
• Ukraina
• Zaporojye AES
• Zelenskiy