AQSh Kongressi Vakillar palatasi spikeri Nensi Pelosi Eron Rossiyaga Ukraina infratuzilmasini nishonga oluvchi uchuvchisiz samolyotlar yetkazib berib, katta xatoga yo‘l qo‘yganini aytdi.

“Biz bir muncha vaqtdan beri dunyoni xavfsiz qilishimiz uchun Eron bilan yadroviy kelishuvga erishishga harakat qildik, endi esa ular ruslarga yordam berib, dunyoni “xavfsiz” joyga aylantirmoqdalar”, - dedi Pelosi.

Bundan bir necha kun avval Qo‘shma Shtatlar va G‘arbning asosiy ittifoqchilari Rossiyani Ukrainadagi tinch aholi va elektr stansiyalariga hujum qilish uchun Eronda ishlab chiqarilgan dronlardan foydalanganlikda ayblagan edi.

Lekin, keyinroq Eron Rossiyaga portlovchi moddalar o‘rnatilgan raketalarni yetkazib berayotganini rad etgan.

Shunday bo‘lsa-da Eronning bir nechta uchburchak shaklidagi uchuvchisiz dronlari Ukraina hududlarida urib tushirilgan.

Pelosi Xorvatiya bosh vaziri Andrey Plenkovich bilan bo‘lib o‘tgan qo‘shma matbuot anjumanida: “Avvalo, biz dronlarga qarshi tura olishimiz kerak. Bu xavfli texnologiya va uni to‘xtatishimiz kerak.” – deb ta’kidladi.

• AQSh
• Pelosi
• Ukraina
• Xitoy