Farg‘onadagi ko‘p qavatli uy yerto‘lasida boqilayotgani aytilgan “akula” aslida akula emas, Siam somi ekani ma’lum bo‘ldi.

Ekologiya va iqlim o‘zgarishi qo‘mitasi ma’lumotiga ko‘ra, bu baliq akvariumlarda boqiladigan Siam somi hisoblanadi. Uning tashqi ko‘rinishi akulaga o‘xshagani sababli u “akulasimon som” nomi bilan ham tanilgan.

Avvalroq Farg‘onadagi ko‘p qavatli uy yerto‘lasida katta baliq boqilayotgani aks etgan video ijtimoiy tarmoqlarda tarqalgan va undagi baliq akula ekani haqida xabarlar paydo bo‘lgandi. Keyinchalik baliqning turi aniqlashtirildi.