Firibgar o‘zini AQSh Davlat kotibi Marko Rubio sifatida ko‘rsatdi va mahalliy hamda xorijiy rasmiylar bilan yozishmalarga kirishdi, deb yozadi “The Washington Post” nashri.

Gazeta ma’lumotlariga ko‘ra, iyun oyida firibgar “Signal” messenjerida soxta elektron pochta manzilini ishlatib, hisob qaydnomasini yaratgan. Natijada messenjer va SMS xabar orqali u uchta xorijiy tashqi ishlar vazirlari, shtat gubernatorlaridan biri va kongress a’zosi bilan bog‘landi.

Firibgar Marko Rubioning ovozi va yozish uslubini taqlid qiluvchi dasturdan foydalangan holda rasmiylarga matnli va ovozli xabarlarni yuborgan. Yozishmalarning mazmuni oshkor qilinmagan. Shuningdek, rasmiylar firibgarning xabarlariga javob berganmi yoki yo‘qligi ham aniq emas.

• AQSh
• Bosh kotib
• Kongress
• sun’iy intellekt