“Meni hibsga olishganining sababi bu Fransiya politsiyasining xatosi edi. 2024-yil avgustigacha ular Fransiya va Yevropa qonunlarini mensimagan, Telegram’ga so‘rov yuborish uchun zarur bo‘lgan qonuniy tartibga rioya qilmagan. To‘g‘ri tartibni bilish uchun ularga shunchaki Google orqali qidirish yoki so‘rash kifoya edi”, — deb yozdi Durov o‘zining Telegram kanalida.

Uning so‘zlariga ko‘ra, Telegram asoschisi o‘shanda noma’lum shaxslar messenjerdan jinoyatlarni muvofiqlashtirish uchun foydalangani sababli 4 kunga ushlab turilgan.

“Platforma foydalanuvchilarining harakatlari uchun uning bosh direktorini hibsga olish huquqiy va mantiqiy jihatdan mutlaqo g‘alati edi”, — deya ta’kidladi Durov.

Telegram asoschisining qo‘shimcha qilishicha, bu “g‘alati hibs”dan bir yil o‘tgach ham, u har 14 kunda Fransiyaga qaytib borishga majbur, shu bilan birga apellyatsiya hali ham mavjud emas.

“Hibsga olinishimning birgina “foydasi” — Fransiyaning erkin mamlakat sifatidagi imijiga katta putur yetganidir. Ammo, bir narsa ayon, biz kurashni davom ettiramiz — va g‘alaba qozonamiz”, — degan Durov.

• Durov
• Fransiya
• Politsiya
• Telegram