FIFA prezidenti Janni Infantino Rossiya klublari va terma jamoalarining xalqaro musobaqalarda ishtirok etishiga qo‘yilgan taqiqni bekor qilish masalasini ko‘rib chiqish lozimligini bildirdi. U bu haqda Britaniyaning Sky telekanaliga bergan intervyusida ma’lum qildi.

“Rossiya jamoalariga nisbatan sanksiyalarni bekor qilish masalasini ko‘rib chiqish kerakmi? Albatta, buni qilishimiz shart. Hech bo‘lmaganda yoshlar darajasida. Chunki bu taqiq hech qanday foyda bermadi, aksincha, yanada ko‘proq norozilik va nafratni keltirib chiqardi”, – degan Infantino.

Shuningdek, FIFA rahbari tashkilot qoidalariga o‘zgartirish kiritish va milliy jamoalarning siyosiy sabablarga ko‘ra futbol o‘ynashdan chetlatilishiga yo‘l qo‘ymaslik bo‘yicha aniq norma belgilanishi zarurligini ta’kidlagan.

Ma’lumot uchun, UEFA va FIFA tomonidan Rossiya futbol ittifoqiga nisbatan sanksiyalar 2022-yilning fevral–mart oylarida joriy etilgan. Ushbu sanksiyalar Rossiyaning Ukrainaga qarshi harbiy yurishlari sabab kuchga kirgan. Qatorasiga to‘rt mavsumdan buyon Rossiya Premyer Ligasi vakillari Yevrokuboklarda ishtirok etmayapti. Valeriy Karpin boshchiligidagi milliy terma jamoa esa faqat o‘rtoqlik uchrashuvlari o‘tkazmoqda.

• FIFA
• Janni Infantino
• Rossiya
• UEFA
• taqiq