UEFA matbuot xizmati 2025/2026-yilgi Chempionlar Ligasining umumiy guruh bosqichi doirasida maydonda eng yuqori tezlikda yugurgan futbolchilar ro‘yxatini e’lon qildi. “Manchester Siti” himoyachisi, o‘zbekistonlik Abduqodir Husanov 34,7 km/soat tezlik bilan ro‘yxatning ikkinchi pog‘onasidan joy oldi. Bu ko‘rsatkich bo‘yicha eng yaxshi natija “Real Madrid” hujumchisi Kylian Mbappega tegishli bo‘lib, fransiyalik futbolchi 34,9 km/soat tezlik qayd etgan.

Turnirning eng tezkor futbolchilari:

Kilian Mbappe (“Real”) — 34,9 km/soat;

Abduqodir Husanov (“Manchester Siti”) — 34,7 km/soat;

Karlos Forbs (“Bryugge”) — 34,3 km/soat

Anderson Silva (“Pafos”) — 34,1 km/soat;

Federiko Valverde (“Real”) — 34,0 km/soat;

Rikardo Pepi (“PSV”) — 34,0 km/soat;

Jeremi Frimpong (“Liverpul”) — 34,0 km/soat;

Erling Holand (“Manchester Siti”) — 34,0 km/soat;

Entoni Gordon (“Nyukasl”) — 34,0 km/soat;

Entoni Gordon (“Nyukasl”) — 33,9 km/soat;

Abduqodir Husanov “Manchester Siti”ning so‘nggi uchrashuvlarida doimiy tarzda o‘yin amaliyotiga ega bo‘lib kelmoqda. “Shaharliklar” joriy mavsum YeChLda 16 ochko bilan turnir jadvalida 8-o‘rinni egalladi va to‘g‘ridan-to‘g‘ri 1/8 final yo‘llanmasini qo‘lga kiritdi.

• Abduqodir Husanov
• Tezlik
• YeChL