“Record” nashri yozishicha, portugaliyalik futbolchi “Al-Nasr” klubi hujumchisi Krishtianu Ronaldu jamoaning hozirgi holatidan noroziligi sabab Saudiya Arabistonini tark etishi mumkin.

Futbolchi Saudiya Arabistoni Davlat investitsiya jamg‘armasi (PIF)ning “Al-Nasr”ga nisbatan munosabatidan norozi. Mazkur jamg‘arma 2023-yilda mamlakatning to‘rtta yetakchi klubi – “Al-Nasr”, “Al-Hilol”, “Al-Ittihod” va “Al-Ahli”ning nazorat paketini sotib olgan. Ronaldu fond tomonidan boshqarilayotgan boshqa klublar bilan solishtirganda, “Al-Nasr” transfer bozorida yetarlicha faol emasligini tanqid qilmoqda. Uning fikricha, PIF jamoaning chempionlikka erishish imkoniyatini cheklash maqsadida yangi futbolchilar bilan shartnoma imzolashga to‘sqinlik qilmoqda.

Hozirda Krishtianu Ronalduning tovon puli qiymati 50 million yevroni tashkil etadi. Uning faoliyatini davom ettirishi mumkin bo‘lgan yo‘nalishlar sifatida MLS va Yevropa klublari ko‘rib chiqilmoqda.

• Al-Nasr
• Futbol
• Ronaldu
• Saudiya Arabistoni
• Sport
• Transferlar