31°
Kechasi 18°
Diyora Keldiyorova asos solgan bolalar dzyudo klubi International Judo Federation (IJF) tomonidan “Bolalar uchun eng yaxshi loyiha” deb e’tirof etildi. Bu haqda MOQ matbuot xizmati xabar berdi.
Taqdirlash marosimi Paris Grand Slam doirasida bo‘lib o‘tdi. Unda IJF 2025-yil laureatlarini e’lon qildi va Keldiyorova tashkil etgan klub alohida mukofotga sazovor bo‘ldi.
Eslatib o‘tamiz, Keldiyorova 2024-yil 28-iyul kuni Parijda o‘tgan Yozgi Olimpiada o‘yinlarida tarixiy natija qayd etgan edi. U 1/16 finalda yaponiyalik Uta Abeni ippon bahosi bilan mag‘lub etdi. Finalda esa kosovolik Distriya Krasnichini yengib, Olimpiya chempioniga aylandi.
Shu tariqa, u dzyudo bo‘yicha jahon chempionatida kumush, Olimpiadada esa oltin medal qo‘lga kiritgan ilk o‘zbekistonlik ayol sportchi sifatida tarixga kirdi.
Ma’lumot uchun, 2024-yilda Keldiyorova O‘zbekiston Respublikasi Prezidenti huzuridagi Ijtimoiy himoya milliy agentligining gender tengligi va bolalarga nisbatan zo‘ravonlikka qarshi kurashish bo‘yicha maxsus vakili etib tayinlangan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
