Shimoliy Koreya yetakchisi Kim Chen Inning singlisi va Koreya Mehnat partiyasi markaziy qo‘mitasi rahbari o‘rinbosari Kim Yo Chjon Shimoliy Koreyaning Tinch okeanidan sinov maydonchasi sifatida foydalanish chastotasi AQSh qurolli kuchlarining harakatlariga bog‘liqligini aytdi. Bu haqda Shimoliy Koreya axborot agentligi KCNA xabar bermoqda.

Yaponiya va Janubiy Koreya matbuoti dushanba kuni Shimoliy Koreya g‘arbiy qirg‘oqdan ikkita raketa uchirgani haqida xabar berdi. Ikkalasi ham Yaponiyaning eksklyuziv iqtisodiy zonasidan tashqariga chiqdi. Yaponiya Mudofaa vazirligi birinchi raketaning parvoz balandligi 100 kilometrni, parvoz masofasi 400 kilometrni, ikkinchisi mos ravishda 50 va 350 kilometrni tashkil etgani haqida xabar berdi.

“(Shimoliy Koreya) Tinch okeanidan sinov maydonchasi sifatida foydalanish chastotasi AQSh harbiylari harakatlarining tabiatiga bog‘liq”, — deyiladi Kim Yo Chon bayonotida.

Uning soʻzlariga koʻra, Pxenyan Koreya yarimoroli hududida “AQSh qurolli kuchlarining strategik zarba beruvchi aktivlari harakatidan” xabardor.

"Biz bu davlatimiz xavfsizligiga ta'sirini diqqat bilan o'rganmoqdamiz", dedi KXDR rahbarining singlisi va "agar bu har qanday to'g'ridan-to'g'ri yoki bilvosita tahdid sifatida qabul qilinsa, mamlakat tegishli choralar ko'rishini" ta'kidladi.

• Gieprtovushli raketa
• Shimoliy Koreya