Reuters’ga ko‘ra, bu haqda kon joylashgan viloyatning isyonchilar tomonidan tayinlangan gubernatori vakili Lumumba Kambere Muyisa xabar bergan.

“Ushbu ko‘chki oqibatida 200 dan ortiq odam, jumladan, konchilar, bolalar va sotuvchi ayollar halok bo‘ldi. Ba’zi odamlar o‘z vaqtida qutqarildi, lekin ular ham og‘ir jarohatlangan”, — degan gubernator.

Shuningdek, u jarohatlangan 20 ga yaqin kishi shifoxonalarda davolanayotganini aytib, yomg‘irlar mavsumida yer mo‘rtlashganini qo‘shimcha qilgan.

Hodisa oqibatida tasdiqlangan o‘limlar soni kamida 227 nafarni tashkil etishi va bu raqamlar yana oshib borishi mumkin.

• Kongo
• ko‘chki