Korrupsiyaga qarshi kurashish agentligi rahbari Akmal Burxonov Agentlik binosi devoriga chizib ketilgan “Korrupsiya” nomli suratga munosabat bildirdi.

“Biz har kuni korrupsiya balosidan tezroq qutulish, yurtimiz rivojiga o‘z hissamizni qo‘shishga harakat qilamiz. Biroq, korrupsiya illati hanuzgacha yelkamizda og‘ir yuk bo‘lib qolmoqda.

Bu yukdan qancha tez qutulsak, oldimizga qo‘yilgan maqsadlarga shuncha tez erishamiz. Buning uchun nafaqat Korrupsiyaga qarshi kurashish agentligi, balki aholining barcha qatlamlari faol ishtirok etishlari, ko‘maklashishlari kerak”, – deydi Agentlik rahbari.

Burxonov, shuningdek, Agentlik mazkur graffiti muallifi inkuzart‘ning ijodiy g‘oyasini va shu kabi korrupsiyaga nisbatan murosasizlikka qaratilgan kreativ yondashuvlarni doimo qo‘llab-quvvatlashini bildirgan.

• Aksilkorrupsiya
• Graffiti
• Korrupsiya