“Latviyada og‘ir hayotiy vaziyatga tushib qolgan vatandoshimiz O‘zbekiston elchixonasi ko‘magida oilasi bag‘riga qaytarildi”, – deb xabar bermoqda “Dunyo” axborot agentligi.

Xususan, Riga shahriga pul topish maqsadida borgan K.F. sog‘lig‘i bilan bog‘liq muammolarga duch keladi va ishsiz qoladi. Shu munosabat bilan u elchixonaga O‘zbekistonga qaytishida amaliy yordam so‘rab murojaat qilgan.

Diplomatlar Latviya Migratsiya xizmati xodimlari bilan muzokaralar o‘tkazdi va K.F.ning O‘zbekistonga qaytishi bilan bog‘liq hujjatlarni tayyorlashda amaliy yordam ko‘rsatgan. Elchixona va Xalqaro migratsiya tashkilotining Rigadagi vakolatxonasi ko‘magida u vaqtincha turar joy bilan ta’minlangan. Shuningdek, K.F.ning O‘zbekistonga qaytishi uchun aviachipta sotib olib berilgan.

U 8-avgust kuni Rigadan O‘zbekistonga “Uzbekistan Airways” aviareysida kuzatib qo‘yilgan.

• Latviya
• fuqaro