Janubiy Amerikaning Ekvador davlatida favqulodda holat e’lon qilindi. Fito laqabli jinoiy guruh a’zosi Adolf Masias Salazar qamoqdan qochib ketgan. Oqibatda mamlakatning turli hududlarida portlashlar sodir etilib, politsiya xodimlari o‘g‘irlab ketilgan. Mahbuslarning qo‘zg‘alon ko‘tarishiga jinoyatchilarga qarshi jazo turlarining isloh qilinishi bo‘lgan, deb xabar berilmoqda.

Kecha " TC Television " telekanalining studiyasiga jonli efir vaqtida qurollangan shaxslar bostirib kirgan. Yuzlari niqoblangan shaxslar studiyadagilarni garovga olib, diktorning cho‘ntagiga portlovchi moddalar solib qo‘ygan. Shuningdek, guruhning bir qismi kameraga turli xil portlovchi moddalar, jumladan, granatalarni ko‘rsatgan. Bu bilan ochiqdan ochiq qurolli hujumlarga provokatsiya signali jo‘natildi deb, baholanmoqda.

Ekvador politsiya telestudiyaga bostirib kirganlarning barchasini hibsga olgan.

Mafiya to‘dasining Guayas qamoqxonasidan qochib ketishi ortidan davlat rahbari 3 ming xavfsizlik kuchlari ishtirokida operatsiya boshlanganligini ma’lum qildi.

• Ekvador
• Janubiy Amerika