18°
Kechasi 7°
Itan Krambli o‘z otasining pistoletidan Michigandagi maktab o‘quvchilariga qarata o‘t ochgan va buning oqibatida 4 nafar o‘quvchi halok bo‘lgan. Bular: 16 yashar Teyt Mayer, 17 yashar Medisin Bolduin, 14 yashar Xan Sent-Juliana va 17 yashar Jastin Shillinglardir.
Er-xotin Kramblilar o‘g‘illarining shubhali xulq-atvoriga e’tiborsizlikda va huquq-tartibot organlaridan qochishda ayblanmoqdalar. Oila advokatining so‘ziga qaraganda, ota-ona o‘g‘lining otishma sodir etganini eshitgach, "o‘z xavfsizliklarini asrash uchun" shaharni tark etganlar.
Voqeaga ko‘ra, Itan otasi bilan birga qurol sotib olgan, o‘sha kuni Itan ijtimoiy tarmoqda qurolning rasmini qo‘yib, pastiga "Mening yangi go‘zalim" deb izoh qoldirgan.
Otishma kunidan bir kun avval Itanning o‘qituvchisi uning internetdan harbiy qurollar ko‘rayotganini ko‘rgan va maktab ma’muriyati hamda ota-onaga yetkazgan.
Ertasi kuni ertalab esa o‘qituvchilar Itanning rasmlarini topib olishgan va er-xotin Kramblilarni maktabga chaqirganlar. Rasmlarda qurol va qonga botgan odamlar tasvirlangan bo‘lgan, bundan tashqari "Xayollarni to‘xtatib bo‘lmayapti", "Meni qutqaring", "Hamma yer qon" degan yozuvlar ham bo‘lgan. Prokurorning gapiga ko‘ra, o‘smir yana "Mening hayotim bexuda" va "Dunyo o‘lik" degan yozuvlarni ham yozgan bo‘lgan. Maktab ma’muriyati ota-onaga o‘g‘illariga psixolog kerakligini aytgan.
Biroq ota-ona bunga befarq munosabatda bo‘lgan, hatto o‘g‘illarining ahvolini ham surishtirmagan.
Prokuror Makdonald bu nafaqat Kramblilarga, balki barcha qurol egalariga dars bo‘lishi lozimligini ta’kidlamoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
