AQShning Microsoft korporatsiyasi shtatning taxminan 5 foizini, ya’ni 10-11 ming xodimni qisqartirishni rejalashtirmoqda.

Ta’kidlanishicha, 220 mingdan ortiq odam ishlaydigan Microsoft o‘z ishchilarining taxminan 5 foizini qisqartirmoqchi, bu esa 11 ming ish joyiga to‘g‘ri keladi.

Ma’lum bo‘lishicha, bunga iqtisodiy vaziyatning yomonlashishi sabab bo‘lgan.

Aksariyat investorlar Microsoftni har qanday bo‘ronga bardosh bera oladigan yirik barqaror biznes deb bilsalar-da, kompaniyaning zaif tomonlari bor, ularning ba’zilari makroiqtisodiy tanazzul tufayli yomonlashishi mumkin.

Amerikaning Microsoft Corp kompaniyasi 1975-yilda Bill Geyts va Pol Allen tomonidan tashkil etilgan. Shtab-kvartirasi Vashington shtatining Redmond shahrida joylashgan. Kompaniya dasturiy ta’minotni ishlab chiqishga ixtisoslashgan, Microsoft Windows operatsion tizimini ishlab chiqishgan.

• AQSh
• Bill Geyts
• Microsoft