Joriy yil 7-aprel kuni “Navoiy kon-metallurgiya kombinati” AJ tomonidan amalga oshirilayotgan investitsion loyihalar doirasida Tomdi tumani hududida “Muruntov” koni tarkibida “Balpantog‘” va “Tomdibuloq” konlarining ochilish marosimi va bu yerda birinchi portlatish ishlari amalga oshirildi.

Qayd etilishicha, mazkur konlarning oltin tarkibli maʼdan zaxiralari kombinatning 2-gidrometallurgiya zavodiga 33 kilometrlik temir yo‘llari orqali tashiladi. Tadbirda konlar 40 million tonnadan ortiq maʼdan zaxirasiga ega.

Konlardan qariyb 15 yil mobaynida yiliga 3 million tonnadan oltinga boy maʼdan qazib olinadi. Bu ishlarni bajarish uchun konga 7 ta gidravlik ekskavator, 5 ta burg‘ilash qurilmasi, 23 ta avtoavg‘dargich, 2 ta teplovoz va boshqa ko‘plab kon texnikalarini xarid qilish ko‘zda tutilgan. Hozirgi kunda bitta zamonaviy gidravlik ekskavatori, 90 tonna yuk ko‘tarish quvvatiga ega 10 ta avtoag‘dargich keltirilgan.

8-apreldan kon yuzasini ochish ishlari boshlandi.

Loyiha doirasida konda 653 ta yangi ish o‘rni yaratiladi. 

• Navoiy
• Oltin
• konchilik