“Oltin malina” antimukofotining 2022-yilgi nomzodlari roʻyxati eʼlon qilindi. Unga koʻra, “Yilning eng yomon filmi” nomiga “Diana: Myuzikl”, “Cheksizlik”, “Derazadagi ayol”, “Karen”, “Kosmik murabbo 2: Yangi avlod” filmlari “daʼvogarlik qilmoqda”.
“Yilning eng yomon aktyori” nominatsiyasi boʻyicha nomzodlar roʻyxatiga Mark Uolberg (“Cheksizlik”), Ben Platt (“Qadrli Evan Xansen”), LeBron Jeyms (“Kosmik murabbo 2: Yangi avlod”), Ro Xartrampv (“Diana”), Skott Istvud (“Xavfli”) lar kiritilgan.
“Yilning eng yomon aktrisasi” yoʻnalishidagi antimukofotni ijodkorlar Emi Adams (“Derazadagi ayol”), Megan Foks (“Yorma dalasidagi yarim tun”), Jina de Vaal (“Diana”) dan biri qoʻlga kiritishi mumkin. Ikkinchi darajali aktyor sifatida eng yomon rolni ijro etgan nomzodlar orasida Ben Afflek, Jared Leto, Emi Adams ham bor.
Bu yili aktyor Bryus Uillis uchun alohida- “Bryus Uillisning 2021-yildagi eng yomon roli” nominatsiyasi joriy qilingan. Ushbu yoʻnalishdagi roʻyxatga Bryus Uillis suratga tushgan 8 ta film nomi kiritilgan.
Antimukofot “gʻoliblari” 27-mart kuni aniqlanadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!