AQSH Kongressi Vakillar palatasi spikeri Nensi Pelosining joriy yil 18-sentyabr kuni Armanistonga tashrifi chog‘idagi bayonotiga Ozarbayjon Respublikasi Tashqi ishlar vazirligi o‘z munosabatini bildirdi.

"N.Pelosining Ozarbayjonga nisbatan asossiz va adolaciz ayblovlari qabul qilinishi mumkin emas”, deyiladi Ozarbayjon Respublikasi Tashqi ishlar vazirligi bayonotida.

Munosabatda aytilishicha, joriy yilning 12-sentyabrdan 13-sentyabrga o‘tar kechasi delimitasiyalangan shartli chegarada sodir bo‘lgan voqea Armaniston tomonidan Ozarbayjonga qarshi keng ko‘lamli harbiy provokasiya bo‘lib, Ozarbayjon Qurolli kuchlari tomonidan bu provokasiyaning oldi olingan va mamlakat suvereniteti va hududiy yaxlitligi ta’minlangan.

“Hozirgi vaqtda o‘t ochishni to‘xtatish rejimi ta’minlanib, vaziyat barqarorlashtirilgan. Mintaqadagi vaziyatning keskinlashuvi va keng ko‘lamli provokasiya uchun barcha mas’uliyat Armaniston harbiy-siyosiy rahbariyatiga yuklanadi.

Umuman olganda, N. Pelosi armanparast siyosatchi sifatida tanilgan va uning delegasiyasi tarkibida armanparast Kongress a’zolarining borligi ham buni bevosita ko‘rsatib turibdi. AQSH Kongressi Vakillar palatasi spikeri Nensi Pelosi “AQSHda Kongressga oraliq saylovlar davri kelayotganini inobatga olsak, N.Pelosi bu tashrifdan AQSHdagi arman lobbi doiralarining qo‘llab-quvvatlashi va o‘zining ichki siyosiy dasturidan foydalanish uchun foydalanayotganga o‘xshaydi", – deyiladi Ozarbayjon Respublikasi Tashqi ishlar vazirligi bayonotida.

AQSHning ichki siyosiy kun tartibidagi siyosiy intrigalar va lobbichilik manfaatlarini Armaniston orqali Janubiy Kavkaz mintaqasiga o‘tkazish qabul qilinishi mumkin emasligi ta’kidlandi.

“Afsuski, adolat haqida gapirayotgan N.Pelosining Armanistonning Ozarbayjonga qarshi bosqinchilik siyosati, uning hududining qariyb 30 yil davomida bosib olinishi, yuz minglab ozarbayjonlarga nisbatan etnik tozalash va boshqa shu kabi og‘ir jinoyatlar yuzasidan maqsadli ravishda hech qanday pozisiya ko‘rsatmaganini alohida ta’kidlaymiz. Buning uchun Armaniston javobgar" – deydi Tashqi ishlar vazirligi.

Ta’kidlanishicha, N.Pelosining Armanistonda aytganlari arman propagandasi asosida qilingan bayonot sifatida baholanishi kerak. Bu Armaniston va Ozarbayjon o‘rtasidagi munosabatlarni normallashtirishga qaratilgan sa’y-harakatlarga jiddiy zarba bo‘lgan.

"Bunday biryoqlama qadamlar, asossiz bayonotlar mintaqadagi mo‘rt tinchlikni mustahkamlashga emas, aksincha keskinlikni kuchaytirishga xizmat qilmoqda", deyiladi TIV munosabatida.

• Ozarbayjon
• Pelosi