O‘zbekiston oliy ta’lim, fan va innovatsiyalar vaziri Qo‘ng‘irotboy Sharipovning Sloveniya Respublikasi Prezidentining xalqaro munosabatlar bo‘yicha maslahatchisi, professor Zlatko Shabich bilan uchrashuvi bo‘lib o‘tdi.

Uchrashuv davomida ikki tomonlama hamkorlikni rivojlantirish, xususan, ta’lim, fan va innovatsiya sohalaridagi aloqalarni chuqurlashtirish masalalari muhokama qilindi.

Tomonlar akademik almashinuvlarni kengaytirish, 2+2 modeli bo‘yicha qo‘shma ta’lim dasturlarini ishga tushirish, Sloveniya savdo-sanoat palatasi va Spirit tadbirkorlikni rivojlantirish agentligi ko‘magida investitsiya va ilmiy-ta’lim hamkorligini rivojlantirish, shuningdek, qo‘shma forumlar o‘tkazish imkoniyatlarini ko‘rib chiqdilar.

Uchrashuv yakunida tomonlar taklif etilgan yo‘nalishda amaliy ish formatida ishlashni davom ettirishga kelishib oldilar.

• Oliy ta'lim
• O‘zbekiston
• Sloveniya