“O‘zgidromet”ning ma’lum qilishicha, ushbu hafta davomida beqaror ob-havo kuzatiladi. Sababi Turkmanistondan nam havo massalari kirib kelmoqda. Respublika bo‘yicha ba’zi joylarda yomg‘ir yog‘adi, faqat 4-fevralda yog‘ingarchilik kutilmaydi. Tog‘oldi va tog‘li hududlarda vaqti-vaqti bilan yog‘ingarchilik (yomg‘ir, qor) bo‘ladi, 2–3-fevralda ba’zi joylarda kuchli bo‘lishi mumkin.

O‘zbekiston hududi bo‘yicha harorat foni kechalari 5-10 daraja iliq, kunduz kunlari 13-18 daraja atrofida iliq bo‘ladi.

Juma kuni esa vaziyat o‘zgaradi, O‘zbekistonga Qozog‘iston hududidan sovuq va nisbatan nam havo massalari kirib kelishi boshlanadi, buning hisobiga respublika bo‘yicha 6-fevralda ba’zi joylarda yog‘ingarchilik (yomg‘ir qorga aylanadi) bo‘ladi. Harorat kun davomida pasayadi, kechasi va kunduzi 1-6 daraja iliq; shimolda kechasi 7-12 daraja sovuq, kunduzi 0-5 daraja sovuq bo‘ladi.

Respublika bo‘yicha ba’zi joylarga tumani tushishi mumkin.

2–3-fevralda respublikaning tog‘li hududlarida qor ko‘chishi xavfi mavjud.

• Ob-havo
• O‘zgidromet
• Qor
• yomg‘ir